AF268: 76v

bir münāsib merhem vażʿ olunmaq gerekdür dėdüm meger bu qıṣṣadan üç gün muqaddem bu bendeleri ve ḥallü l‑mennden [?] bī‑qarār olub üç gün // pey‑ā‑pey şeref‑i ḫidmetlerinden maḥrūm olduġum ḫāṭır‑i şerīflerinde ʿaqd olmış imiş bu sözüm muqābelesinde ṭaʿn u mülāṭafa // yüzinden biz celebi [?] deñilür [?] ki bir cüzʾī cıbandan ötürü cerrāḥlara mürācaʿat ėdevüz dėdiler bu ḥālle qaṣr‑i seʿādete çıqdılar // ol gėceʾi vecaʿ‑i ıżṭırābla iḥyā ėtdiler ėrtesi tanżīc‑i mārre içün ḥammāma buyurdılar bu bendeleri ḥāżır bulunmaduġı furṣat // bilüb ḥüsn‑i nāmlarına ki maḥṣūṣ dellākları idi muḥkem ṣıqdurub zedeletmişler ḥammāmdan geldükde ḫāk‑i pāylerine yüz sürsüm // buyurdılar ki Ḥasan Cān sözüñle ʿamel ėtmedük ammā gendümüzi ihlāk ėtdük tafṣīl‑i mācerā ėdicek ʿaqlum // gitmelü oldı varduqça ol mārre‑i cādde‑i iʿtidālden çıqub ṭuġyān buldı çün ʿazm‑i hümāyūn muqarrer olmış‑idi // teʾḫīr ėtmeyüb bu ḥālle semend‑i devlete süvār olub sebük‑bār Edirne seferin iḫtiyār buyurdılar ve s̱ānī‑yi Şaʿbānda // miyān‑i sebze‑zārda manṣūb olan ḫıyām‑gerdūn [?] qıyāmı ʿizz‑i nüzūlleri ile müşerref eylediler ve ardınça ol maraż‑i // hāyil ḥiddeti şiddete māyil ve ʿilācla qabūlı beyninde ḥāyil olub ol ḫarāc‑i bī‑ʿilāc [...] buldı nihāl‑i nāziki // bitürdi bir gül o gülden ėkildi mānend‑i bülbül ne ḥakk [?] kim ḫār gibi cān‑ḫırāşı o gülden kelkel [?] olurdı // ferrāş‑i çemre‑zār [?] yedinde āteşīn gül dil ü cān bülbülini eyledi kül şeb ü rūz ėtmez idi bir‑dem ibrām‑i ʿilāca // olmaz idi ʿārıża rām Çorlu qurbında Ṣırt köyi nām menzilet ki zemān‑i sābıqda sābıq taqrīr ṣuyı [?] ile vālid // saʿīdleri merḥūm Sulṭān Bāyezīd ḥażretleri ile ol yevm‑i şūmda bī‑iḫtiyār kār‑zār olmış‑idi nüzūl buyurduqlarında // ʿarż‑i maraż cevher‑ẕāt melek‑ṣıfātlarına bir vechle müstevlī oldı ki sulṭān ṭabīʿatuñ vilāyet‑i bedenden fesād‑i mevāddi // defʿe [?] iqtidārı qalmadı nā‑çār ol menzilde iqāmet ü qarār iḫtiyār buyurıldı muqaddemā Edirneye varan erkāndan // vezīr‑i aʿẓam Pīrī Paşa ve Muṣṭafā Paşa ve begler begi Aḥmed Paşa ordu‑yi hümāyūna daʿvet olundılar şeref‑i vuṣūl ḥuṣūl bulıcaq // qılub nāsdan şübhe ġubārını izāle içün fermān‑i qażā cereyān‑i mūcib [?] ile üzre ʿaqd‑i dīvān ėdüb tevzīʿ‑i // münāṣıb u terfīʿ‑i merātib eylediler ve iẓhār‑i ās̱ār‑i server [?] ile ḥüzn‑i nihüftelerin mestūr eylediler ve iki ėn miqdārı // ol menzilde ālāf ālām ile ārām ėdüb bu müddetde ʿasker miyānında hezār güne ḫaber şüyūʿ bulub ḥarekāt‑i // nā‑şāyesteleri ʿalā ẓuhūr bulıcaq vüzerā‑yi düstūr merḥūm vālide ḫaber gönderüb şāh‑i ser‑firāz ibrāzına çāre tedārükinüñ // lüzūmını aʿlām ėdicek merḥūm vālid daḫı luṭf‑i ādābla ʿasker‑i cemāl‑i şerīfleri müşāhedesine iştiyāqların daḫı ėdüb [?] // hezārān tażarruʿla otaq öñine çıqardılar ve bir miqdār kürsī‑yi temkīn ü vaqār üzre qarār ėdüb ḫuddām‑i südde‑i sidre // maqāma ʿarż‑i cemāl ve tereddüd‑i ḥavāṭır‑i [!] sipāhī qarīn‑i zevāl ėtdükden ṣoñra gėrü maqarr‑i şereflerine rücūʿ buyurdılar ve Rūm ėli